Taalsprong +
Taalsprong+ ta continuacion di Taalsprong pa klas 1 y 2 di enseñansa primario, dirigi riba idioma Hulandes como Idioma Stranhero (NVT). Taalsprong+ (pa klas 3 te cu klas 6) ta consisti di 9 tema pa cada aña di scol. E temanan aki ta relaciona cu e mundo di experencia di e alumno multilingual na Aruba. Placer y desaroyo di idioma ta central, cu tareanan atractivo y relevante cu ta motiva e alumno pa anda den forma activo cu e idioma Hulandes. Pa medio di buki di cuenta, buki di lesa, combersacion y cantica ta ofrece e alumno variedad grandi di e idioma Hulandes. E alumno ta siña palabra nobo teniendo cuenta cu su contexto, ta profundisa su comprension di texto y ta haya hopi oportunidad pa su mes papia y skirbi. Lesamento tecnico y ortografia tambe ta forma parti di e programa y ta sostene e desaroyo di idioma di e alumno. Taalsprong+ ta un metodo cu ta enfoka riba multilingualismo di e alumnonan conscientemente y strategicamente. Conocemento di otro idioma ta yuda e alumno compronde palabra nobo, texto y structura na Hulandes y e ta siña con pa uza esakinan. |
||